ماسك القهوة لشباب دائم

السلام عليكم

النهارده هنعمل ماسك يناسب كل انواع البشره وليه فوايد كتيره جدا.

القهوه 🍮

القهوه من المشروبات المفضله لناس كتيره وفى دراسات بتأكد فائدة القهوه على الصحه العامه وتقليل نسبة الإصابة بالسرطان بس بمعدل معقول يعنى ممكن نقول فنجان قهوه فى اليوم .

من النهاردة القهوة مش هتشربيها بس هنستخدمها للبشرة كمان علشان هي مفيدة للبشرة جدا.

**لأنها بتحتوى على مضادات أكسدة ودا بيقلل من الشوارد الحره وبيحفظ البشره وبيحافظ على شبابها .

**بتقلل الالتهابات وفرصة حدوثها.

المكون التانى 

الزبادى 
الزبادى بيحتوى على اللاكتيك اسيد ودا يعتبر من الأحماض الطبيعيه المسؤوله عن التقشير .
مصدر الزنك ودا معدن بيفيد البشره وبيقلل من الالتهابات ، وبيساعد فى تقليل الحبوب للبشره الدهنيه.

المكون التالت

العسل الابيض
العسل معروف طبعا بفوائده للبشره وتغذيته للبشره وترطيبها .

المكون الرابع 

عصير ليمون🍋🍋 او برتقال 🍊🍊
دول مصدر لفيتامين سى 
مضاد للأكسدة ، بيحفز انتاج الكولاجين ،بيفتح البشره .

الطريقه .

٢ معلقه كبيره زبادى ،معلقة صغيره قهوه ، معلقه صغيره عسل نحل ، معلقه عصير ليمون 🍋 🍋 أو برتقال 🍊.
نخلطهم على بعض .
ونحطهم على البشره ونسيبه ربع ساعه ونشطفه .

نقدر نعمله من مره لمرتين فى الاسبوع .

استمروا عليه وهتلاقوا نتيجه هتعجبكم جدا 

و السلام عليكم.

ماسك القهوة لنضارة بشرتك