البشره الدهنيه واسبابها

البشره الدهنيه ايه مواصفاتها ؟

بشره لامعه ,نحسها مزيته ,فى الغالب بيكون فيها رءوس سوداومسام واسعه,

ومعرضه اكتر للحبوب,خصوصا منطقة Tzone

Tzone هى منطقة الجبهه والأنف وأوقات منطقة الذقن كمان .

وممكن كمان نلاقى فى منطقة الرقبه  والصدر والظهر واعلى الاذرع حبوب.

طيب ايه اسباب البشره الدهنيه

📌📌📌📌من الاسباب هو ان زياده  فى افراز الزيوت من الغدد الدهنيه الموجوده على سطح الجلد.

ودا بيحصل بوضوح مع بداية مرحلة المراهقه نتيجه لتغير نسبة الهرمونات خصوصا الاندروجين اللى يعتبر واحد من اهم اسباب البشره الدهنيه .

وعلشان كدا بنلاحظ ظهور الحبوب فى اوقات معينه خلال الشهر نتيجه للتغيرات الهرمونيه.

_من الاسباب كمان عدم سنفرة الوجه عن طريق الاسكراب ودا بيسبب تراكم خلايا الجلد الميت وبالتالى بيسد المسام ويؤدى لظهور حبوب.

مع ملاحظة ان الاسكراب بتاع الوجه بيكون براحه علشان مانسببش فى زيادة التهابات البشره ونكبر المشكله ,بشويش

_استخدام المواد الكيماويه القويه لغسيل الوجه ,اعتقادا ان دا بينضف البشره وهيقلل الدهون والعكس صحيح لما  بنخلى بشرتنا جافه ونشيل كل الزيوت بندى رساله علط للغدد الدهنيه ان انتى مش شايفه شغلك ياهانم والجلد جاف مع انها مش مقصره تقوم تزود انتاج الزيوت .

بالاضافه طبعا ان المواد دى ممكن تسبب التهابات للبشره .

_استخدام كريمات او فاونديشن بتكون comedogenic كلمتكم عنه قبل كدا 

وان دا بيسبب انه بيقفل المسام وكمان بيمنع خلايا البشره انها تتنفس .

ومن اشهر الحاجات الفازلين.

_استخام المايه شديدة السخونه دا كمان بيسبب جفاف للبشره

عادات صحيه  وغذائيه 

زى عدم شرب الماء 

الشكولا ,🌰الاملاح العاليه فى الاكل القهوه البيبسى

كدا عرفنا الاسباب هنتعامل ازاى

المقال القادم .