أنت
دايما بيقولوا أنت النص الحلو لكن فى الحقيقه أنت الحلو كله ,أنت اللى وجودك فى اى مكان بيحليه وبيخليه أجمل .
دايما أنت موجوده( بنت ,أخت ,أم , زوجه ,معلمه ,دكتوره,,,,,)أدوار كتير موجوده فيها وفى كل دور مبدعه ,قويه ,ناجحه بتعافرى وتقاوحى ومكمله مهما قابلك من عقبات .
أنت الأم حتى لو مخلفتيش بتمارسى أمومتك مع اللى بتحبيهم تحنى وتطبطبى وتسامحى وتعلمى .
أنت السكن ,أنت الدفا ,أنت الحنان ,انت التحدى ,أنت الأمل ,انت الضحكه اللى تضوى فى عز العتمه .
علشان كدا أنت نعمه من الرحمن .
حبى نفسك , اهتمى بها ,طبطبى عليها ماتحنيش على كل الدنيا وتنسيها .
اعملى حاجه بتحبيها , ارقصى واتطنطى وافرحى والعبى ,استمتعى حتى لو شايفه ان دا جنان ,اتجننى مادام هتتبسطى .
أنت تستحقى سيدتى الجميله .
أنت